Филиппиннің туындағы жолақтар өзгеріп тұрады деп естідім. Бұл елдің туындағы жолақтар не үшін ауыстырылып тұрады?
Мақсұт ДІЛДӘБЕКҰЛЫ, Жамбыл облысы
91 миллионнан астам халқы бар Филиппин елінің туында ақ үшбұрыш бейнеленген, оның ішінде күн, көк және қызыл жолақ орналасқан. Филиппин елінің мемлекеттік туының ешкімге ұқсамайтын ерекшелігі – осы көк пен қызыл жолақ белгілі бір жағдайға байланысты алмасып тұрады. Мәселен, бейбіт уақытта көк жолақ жоғары жағында, ал қызыл жолақ астыңғы жағында орналасады. Керісінше, ел соғыс жағдайында болған кезде қызыл жолақ үстіңгі жаққа, ал көк жолақ астыңғы жаққа түседі.