Ескі 1000 және 2000 теңге жарамсыз болып саналады деген қауесет рас па?

Қолымда 1996 жылы шыққан 2000 теңгелік бар еді. Оны қайда өткізуге болады?
Гүлжан, Алматы облысы
Оны 1 қарашаға дейін Ұлттық банктің жергілікті филиалына өткізе аласыз. Ал келесі айдан бастап Ұлттық банк 1994 жылы шыққан 1000 теңге мен 1996 жылғы 2000 теңгелікті қабылдауын до­ға­рады. Демек, осы мерзімге дейін бұл ескі банкнот­тарды өткізіп үлгермесеңіз, олар жарамсыз боп саналады.
Ұлттық банк басқармасының 2001 жылдың 29 қыркүйегіндегі №377 – «ҚР айналымындағы ұлттық валюта сипатын­дағы ақша белгілерін айырбастау тура­лы» қабылдаған қаулысына сәйкес, Ұлт­тық банктің филиалдары 2013 жылдың 1 қара­шасына дейін жеке және заңды тұлғаларға жасанды еместігі дәлелденген 1994 жылғы 1000 теңге мен 1996 жыл­ғы 2000 теңгені жаңасына айырбастап бере алады.