Еңбек демалысын декреттен соң алсам сауықтыру ақысы күйіп кете ме?

Қазір декреттік демалысқа шықтым. Кезекті еңбек демалысын келесі жылы декреттік демалысым аяқталған соң алайын десем, жұмыс беруші «кезекті еңбек демалысын келесі жылы алсаңыз, сауықтыру ақысы күйіп кетеді» дейді. Осы заңды ма?
Майра, Алматы облысы
Еңбекті нормалау және еңбекке ақы төлеу басқармасының сарапшы мама­ны­ның мәліметінше, Қазақстан Рес­пуб­ликасы Еңбек кодексінің (бұдан әрі – Кодекс)192-бабына сәйкес, әйелге, қалауы бойынша жүктiлiкке және бо­сан­уға байланысты демалыстың ал­дын­да немесе тiкелей одан кейiн не балаға күтiм жасауға арналған демалыс бiткен соң жыл сайынғы ақылы еңбек дема­лы­сы берiледi.
Кодекстің 239-бабына сәйкес, мем­­ле­кеттiк бюджет есебiнен ұста­ла­тын аза­мат­тық қызметшiлерге жыл сайынғы ақылы еңбек демалысы лауа­зымдық жалақысы мөлшерiнде сауықтыруға ар­нал­ған жәрдемақы төлене отырып берi­ле­дi. Азаматтық қызметшiлерге сауық­ты­руға арналған жәрдемақы күнтiзбелiк жылда бiр рет төленедi.
Осыған орай, егер сіз осы жылы жыл сайын­ғы ақылы еңбек дема­лы­сына шық­пасаңыз, сізге берілетін сауық­тыруға арнал­ған жәрдемақы күйіп кетеді.