Ең қысқа роман үш сөзден тұрады

Әлемдегі ең қысқа әңгіме, повесть жайлы көп естиміз. Ал ең қысқа роман деген бар ма?
Нұржамал Ерденова, Алматы

Ресейлік жазушы Владимир Бли­нов ең қысқа жазылған ро­ман­дардың бәйгесiне қатысып, алғаш рет өткізілген «Нобельдік Бука» сый­лы­ғы­ның (Екатеринбург) арнайы жүл­десін жеңiп алды.
Бүгінде нанотехнология ғана емес, наноәдебиет те сәнге айнал­ған сыңайлы. Кітапта аталған екі сөй­лемнен басқа, Блиновтың өзі салған иллюстрация мен әдеби сыншы Константин Комаровтың мақаласы бар. Аты жоқ роман екi-ақ сөйлемнен құралады: «Не на­до! Я сама». Тара­лымы – 150 дана. Осыған орай, «Урал» журналының 2010 жылғы №10 санынан үзінді келтірейік: «Жур­нал­дардың кітап болып жарық көрген романды өте сирек жағдайда баса­тыны белгілі. Дегенмен біз бұл жолы қағи­да­мыздан бас тартып отырмыз. Себеп – автордың сөзге «ұқып­ты­лы­ғында». Әрине, оның осындай қасиеті мың­даған парақтарға кө­мілген ре­дак­торды бейжай қал­дырмасы анық».
Оқып көрелік:
 – Don’t! Leave it to me.
(ағылшын тіліне аударған
И.Богданов)
– Non, mersi. Je ferai tout moi-meme.
(француз тіліне аударған Г.Судакова)
– Keine Sorge! Mache’s selbst.
(неміс тіліне аударған О.Мичковский)
– Нэ надо! Я сама…
(украин тіліне аударған А. Козлов)
– Қойшы! Өзім-ақ шешем!
(қазақша аударған Мырзан Кенжебай).