Еліміздегі хром қоры қанша?

Қазақстандағы хром кені қорының қанша екенін білуге бола ма екен? Әлемде хром өндірісі жөнінен қай елдер көш бастайды?
Талғат Бектеміров, Алматы қаласы
Дүниежүзі бойынша хром кеніштері жөнінен ең үздік ондыққа ОАР, Қазақстан, Ресей, Зимбабве, Мадагаскар, Түркия, Үндістан, Армения, Бразилия, Филиппин елдері кіреді. Мен­делеев кестесінде 24-атомдық нөмірге ие көк түсті қатты металл кенінің қоры жөнінен – біздің еліміз әлемде екінші орында. Қазақстан аумағында кен қорының барланған мөл­шері 350 млн тоннадан асады. Оның ішінде, Ақтөбе облысы­ның Хромтау қаласы аумағын­дағы хром және хромит кеніш­тері әлемдегі ең ірі кен орында­рының бірі саналады.