Еліміз Дүниежүзілік кеден ұйымына қашан кірді?

Дүниежүзілік кеден ұйымы деген қандай ұйым? Бұл ұйымға еліміз қашан кірді?
Жандарбек, Алматы
Дүниежүзілік кеден ұйымы – халықаралық ұйым, 1950 жылы Брюссельде (Бельгия) Кедендік кеңестер достастығы ретінде құрылған, қазіргі атауымен 1994 жылдан аталады. Дүниежүзілік кеден ұйымының заңды негiзi – бұл 1950 жылдың 15 желтоқсанында қабылданған мынадай үш тұ­жырымдамадан тұрады: Кедендiк ынтымақтастық кеңесiн құру жөнiндегi тұжырымдама; Кедендiк мақсатта тауарларды классификациялауға арналған номенклатура жөнiндегi тұжырымдама; Кедендiк мақсатта тауарды бағалау жөнiндегi тұжырымдама. Штаб пәтері: Брюссель, Бельгия. Ұйым түрі: мем­ле­кетаралық. Мүше елдер: 177 customs ad­minis­trations. Ресми тілдері: Ағылшын және Француз Дүние­жүзілік кеден ұйымының Бас хат­шы­лығы кедендік мәселелердің барлық проб­лемаларына көңіл қойып, оның технология, әсі­ре­се экономика проблемаларын шешіп отыра­ды, құжаттар жобасын жасайды, ұсыныстар дайындайды, кеден заңдарының біркелкі, бірыңғай болуын қадағалайды. Қазақстан Дүниежүзілік кеден ұйымына 1993 жылдың 5 қарашасынан берi қызмет етуге қатысуда және оның ресми мүшесi болып табылады. Қазақстанның кеден қызметкерлерін даярлау ісіне, республика кеден органдарын технология жағынан қайта жабдықтауға көмектесті.