«E-шоппинг» деген не?
Барлық затты көзбен көріп, қолмен ұстағанға үйреніп қалған халықпыз ғой. Соңғы кездері теледидардан интернет-сауда немесе Е-шоппинг дегенді жиі естіп жүрмін. Сонда кез келген затты, тіпті тамақты да интернет арқылы сатып алуға бола ма?
Ақерке Мағжанқызы, Шымкент қаласы
Ғаламторға шырмалған заманда не нәрсеге болса да, таңырқап қараудың қажеті жоқ. Бүгінде сіз айтып отырған интернет-сауда орталықтары шетелде әлдеқашан тәжірибеге еніп кеткен. Ал бізде әзірге ірі екі қалаларымыз Алматы мен Астанада интернет-дүкеннің 20 шақтысы ғана бар. Бейресми мәліметтер бойынша, ел тұрғындарының 1 миллионға жуығы интернет-дүкендердің қызметін пайдаланады. Бұл да кәдімгі үлкен сауда орталықтары сияқты қол астында интернеті бар кез келген адам оған кіріп, тауарды көріп, көңіліне жаққанын таңдайды да, тапсырыс береді. Одан кейін сатып алынған заттың ақысын банктік төлем карточкалары, банктік ақша аудару тәсілімен, электронды ақша немесе шабарманға (курьер) нақты ақша төлеу арқылы жүзеге асырады. Бұл дүкендердің бағасы жай дүкендерге қарағанда сәл қымбаттау болуы мүмкін. Өйткені алған затыңызға тапсырысты жеткізіп беру ақысы да қосылады. Бірақ уақытты үнемдегісі келетін адамға бұл – таптырмайтын әдіс.
