Дүниежүзілік ислам лигасы қандай ұйым?

Қазақстан төрағалық ететін Ислам конференциясы ұйымы туралы жиі айтылып жүр. Мен жақында Бүкіләлемдік ислам лигасы бар дегенді естідім. Бұл қандай ұйым? Айырмашылығы неде?
Әділжан Мұхаметқалиев, Шымкент
Дүниежүзілік ислам лигасы 1962 жы­лы Сауд Арабиясының бастамасымен, Америка Құрама Штаттарының бел­сенділігімен құрылды. ДИЛ-дің штаб­пәтері Мекке қаласында орна­ласқан. Сонымен қатар Мәдина, Әр-Рияд Жидда қалаларында филиалдары жұмыс істейді. Дүниежүзілік ислам лигасын Сауд Арабиясы ғана қаржылан­ды­рады. Жо­ғарғы органы – 29 ел бас қосатын Құ­рылтай кеңесі. Лиганың аймақтық төрт үйлестіру кеңесі жұмыс істейді. Айта кетейік, 1974 жылдан бастап Дүниежүзілік ислам лигасы БҰҰ-ның консультативті мәртебесіне ие. ДИЛ Ислам конференциясы ұйымынан бұрын құрылғанымен, пәрмені жағынан әлсіз. ИКҰ-ға 57 мемлекет мүше екенін ескерсек, 29 ел мүше болып табылатын Дү­ние­жүзілік ислам лигасынан әлде­қайда қуатты екенін аңғару қиын емес. Бірақ екі құрылымның да стратегиялық мақсаттары ұқсас.