Директордың міндетін қоса атқарғанда қосымша ақы төлене ме?

Мемлекеттік коммуналдық қазынашылық кәсіпорын директоры жұмыстан кетуіне байланысты, уақытша директордың міндетін атқару орынбасарға жүктелді. Осы орайда менің білгім келгені, директордың міндетін атқарушыға қызмет аясының кеңеюіне байланысты 50% көлемде үстемеақы төленуі керек пе?
Балқия БАЙДӘУЛЕТОВА, Жамбыл облысы
Еңбекті нормалау және еңбекке ақы төлеу басқармасының сарапшы маманының мәліметінше, азаматтық қызметшілерге еңбекақы төлеу жүйе­сі Қазақстан Республикасы Үкі­ме­ті­нің 2007 жылғы 29 жел­тоқ­сан­дағы «Аза­маттық қызметшілерге, мемлекеттік бюд­жет қаражаты есе­бінен ұсталатын ұйымдардың қыз­мет­керлеріне, қазы­на­лық кәсіп­орын­дардың қызмет­кер­леріне еңбекақы төлеу жүйесі туралы» № 1400 Қаулысымен ( бұдан әрі – Қаулы ) реттеледі. Қаулыға 19-қо­сымшада мамандарға, қызметшілерге және жұмысшыларға лауазымдарды қоса қызмет атқар­ғаны (қызметтер көр­сету аясы кеңі­гені) үшін қыз­меткердің лауазымдық жала­қысынан 50 %-ға дейінгі мөл­шерде қосымша ақы белгі­ленген.
Қаулыға сәйкес аталған қосымша ақы мекемелердің басшыларына, олардың орынбасарларына қолда­ныл­­майды.