Дипломатиялық қызметтің міндеттері қандай?

Мені дипломатия мамандығы көбірек қызықтырады. Осы ретте дипломатиялық қызметтің міндеттері туралы білгім келеді.
Елдос, Тараз
ҚР дипломатиялық қызметі туралы заңның 5-бабы бойынша, дипломатиялық қызмет органдарына төмен­дегідей мiндет­тер жүктеледi: ҚР сыртқы саясатының тұжы­рымдамасы мен негізгi бағыттарын әзiрлеу және ҚР Президентi мен Yкiметiне тиiстi ұсыныстар беру; ҚР сыртқы саяси және сыртқы экономикалық стратегиясы бойынша ҚР Президентi үшiн ұсыныстар әзiрлеу және Президенттiң халықаралық бастамаларын iске асыру; ҚР сыртқы саяси бағытын iске асыру, ҚР сыртқы эко­номикалық саясатын жүзеге асыруға және халықаралық беделiн нығайтуға жәрдем­десу; ҚР егемендiгiн, қауiпсiздiгiн, аумақ­тық тұтас­тығын және шекараларының мызғымастығын, оның басқа мемлекет­термен өзара қарым-қатынастардағы жә­не халықаралық аренадағы саяси, сауда-экономикалық және өзге де мүдделерiн дипломатиялық құралдар мен әдiстер арқылы қорғауды қамтамасыз ету; шет­елдерде ҚР аза­маттары мен заңды тұлға­ларының құқықтары мен мүдде­лерiн қорғау; ҚР халықаралық бейбiтшiлiктi, ғалам­дық және аймақтық қауiпсiздiктi қамтамасыз ету жөнiндегi күш-жiгерiн дипломатиялық құралдар мен әдiстер арқылы iске асыру; ҚР шет мемлекеттермен, халықаралық ұйымдармен дипломатиялық және консулдық қарым-қатынастарын жүзеге асыру; шет мемлекеттермен және халықаралық ұйымдармен қатынастарда Қазақстанның орталық атқарушы орган­дарының халықаралық қызметiн үйлестiру; әлемдегi саяси және әлеуметтiк-эконо­микалық жағдайға талдау жасау және орталық мемлекеттiк органдарды қажеттi ақпаратпен қамтамасыз ету.