Демалыс мерзімін ұзартуға бола ма?

Осы жылдың ақпан айынан бастап бала күтімі бойынша демалысқа өтініш жазған едім. Өтініште демалыс мерзімі «бала алты айлық болғанша (ақпан-шілде)» деп көрсетілген. Осы орайда менің білгім келгені, өтініште көрсетілген уақыт аяқталған соң, одан әрі демалыс мерзімін ұзартуыма бола ма? 

Сара, Қарағанды облысы

Сарапшы мамандардың мәліметіне жү­гінсек, ҚР Еңбек кодексінің 195-бабына сәй­кес, бала үш жасқа толғанға дейiн оның күтiмiне байланысты жалақы сақталмайтын демалыс осы баптың 1-тармағында көрсетiлген қыз­мет­кер­дiң жазбаша өтiнiшi негiзiнде оның қалауы бойынша толық немесе бөлiнiп пайдаланылуы мүм­кiн.
Бала үш жасқа толғанға дейiн оның күтiмiне бай­ла­нысты жалақы сақталмайтын демалыс уақы­тын­да қызметкердiң жұмыс орны (лауа­зы­мы) сақталады.
Егер Қазақстан Республикасының заң­да­рын­да өзгеше көзделмесе, бала үш жасқа тол­ғанға дейiн оның күтiмiне байланысты жа­ла­қы­сы сақ­тал­майтын демалыс уақыты жалпы еңбек өтіліне, ма­мандығы бойынша жұмыс өтіліне есеп­теледi.
Осы орайда, сіз жұмыс берушіңізге жазбаша өті­ніш жазып, бала күтіміне байланысты дема­лы­сыңызды ұзартуға құқылысыз.