Черлидинг – бишілер спорты

Голливудтың жеңіл-желпі киноларында жас қыздардың түрлі акро­ба­­тикалық қимылдар жасап, ұран ретінде жалынды сөздер айтып жүр­генін көп кезіктіремін. Бұл қыздардың әрекеті спорттық элемент­тер­ге бай, сондықтан да жай ғана қызығушылық деп айтуға келмейтін сияқ­ты. Менің де черлидер болғым келеді, өйткені гимнастикаға ике­мім бар. Черлидингінің әлемдегі және Қазақстандағы қарқыны қан­дай?
Назгүл Пахманова, БҚО Бөкей ордасы ауданы Бисен ауылы
Черлидинг ХІХ ғасырдың 70 жыл­дары Америка жерінде пайда болған. Арада бір ғасыр өткен соң ғана, 1970 жылдары, черли­динг кең қанат жая бастады. Негізінен, черли­динг екіге бөлінеді. Біріншісі, арнайы ережелер бойынша спорттық клубтар сайысқа түседі. Черлидингімен айна­лы­сатын­дардың тағы бір тобы стадион­дар мен спорт алаңдарына мей­лінше көп жан­күйер жинап, алаңдағы ойын­шыларға рух беріп, жиналған жанкүйерлердің көңілін көтеру мақсатында өнер көр­сетеді. 1998 жылы Халықаралық чер­лидинг қауым­дастығы құрылды. Оған мүшелік ететін 37 елдің ішінде Қазақстан да бар. 2001 жылы Токиода тұңғыш рет черли­дингіден әлем чем­пионатының тұсауы кесілді. Чер­лидингінің ережелеріне сәйкес, са­йыстар мына бағыттар бо­йын­ша өте­ді:
Чир – акробатикалық қимыл-әрекеттер жасап, пирамида тұрғызу, ұран сөздер айту.
 Данс – спорттық гимнастиканың элемент­терін пайдаланып, би билеу. Бұл бөлімде спортшылардың синхронды қимылдауы мен хореографиялық дайындықтары басты назарға алынады.
Чир-микс – ерлер мен қыздардың араласып өнер көрсетуі.
Топтық стант – топ болып пирамида құру.
Жеке черлидер – топ басшысының дарынын бағалау.
Черлидингіге арналған фильмдер де өте көп. Әсіресе «Табысқа жет!» деп аталатын жастарға арналған фильм черлидингіні жақсы насихаттаған. Ал танымал тұлғалар ішінде Ро­нальд Рейган, Мадонна және Камерон Диас чер­лидингіні сүйікті кәсіп етіпті.