Бір баланың орны қанша шаршы метр болуы керек?

Түзету мектептері мен арнайы білім беретін орта кәсіптік оқу орындарында оқу бөлмелерінің ауданы қанша болуы керек? Заң бойынша бір балаға қанша шаршы метрден келеді?
Серғали Асқаров, Жамбыл облысы
ҚР Үкіметінің 2011 жылғы 30 жел­тоқ­сан­дағы қаулысымен бекітілген «Ба­лалар мен жасөспірімдерді тәрбие­леу мен білім беру объектілеріне қо­йылатын санитариялық-эпидемио­ло­гиялық талаптар» қағидаларына сәй­кес, арнайы түзету-білім беру ұйым­да­рында ақыл-есі дамымаған және пси­хикалық дамуы кешеуілдеген бала­лар үшін (әр балаға) – 2,2 шаршы метр, по­лио­миелит салдарынан зардап шек­кен және енжар паралич ауруымен ауы­ратын балалар үшін – 3,5 шаршы метр, қалған балалар үшін 3,0 шаршы метр орын болуы тиіс. Жалпы білім беру ұйымдарының оқу сыныптарының ауданы бір оқушыға 2,5 шаршы метр­ден келетін, шеберханаларда 3,75 шар­шы метрден келетін болады.
Кәсіптік-техникалық орта арнаулы оқу орындарында:
– 12-15 орын үшін бір оқушыға – 2,5 ;
– 25 орын үшін бір оқушыға – 2,2 ;
– 30 орын үшін бір оқушыға – 1,8 шаршы метр.
Бастауыш және орта кәсіптік білім беретін ұйымдарда оқу бөлмесінің ауданы 50-150 орын үшін бір оқушыға 1,2 шаршы метрден болады. Жоғары оқу орындары мен оқу комбинат­тарында 50-75 орын үшін бір оқушыға  – 1,5, 75-100 орын үшін бір оқушыға – 1,3, 100-150 орын үшін бір оқушыға – 1,2, 150-350 орын үшін бір оқушыға – 1,1, 350 және одан көп орын үшін бір оқушыға 1 шаршы метр аудан қарас­тырылады. Дәрісханалар, оқу кабинет­тері мен зертханалар жерүсті қабаттар­да орналасуы тиіс.