Алматыда бишілерді дайындайтын оқу орны бар ма? (мектептегі үйірмелерден, арнайы курстардан өзге) Қызымның биге бейімі жақсы. Болашақта мектептен соң, баланың талабына қарай биге берсем бе деп ойланып жүрмін. Баяғыда Селезнев атындағы училище бар еді.
Нұрилә ЖАНДІЛДАЕВА, Оңтүстік Қазақстан облысы
Алматыда би өнері саласына жоғары білімді мамандар даярлайтын Алматы жоғары би өнері мектебі бар. Ол осы Селезнев атындағы негізі 1934 жылы қаланған училище.1996 жылы 10 маусымда бұл мектеп Алматы театр және кино институтының (қазіргі Өнер академиясы) құрамына «Би өнері» факультеті болып енді. Онда би өнері педагогі және би өнері режиссері бөлімдері де бар. Факультет шәкірттері арасында атақты балет бишілері Қазақстанның халық және еңбек сіңірген әртістері, халықаралық фестивальдардың жеңімпаздары Г.Тұтқабаева, М.Түкеев, Л.Әлпиева, Г.Саитова т.б да әртістер бар. Факультетте белгілі өнер шеберлері Б.Аюханов, З.Райбаев, Д.Әбдіров, С.Көшербаева секілді ұстаздар дәріс береді.
Бидің оқуы қайда бар?
Последние статьи автора