Қазақстан әдебиет туындыларын қорғау жөніндегі Берн конвенциясына қосылғанын естуші едім. Осы жөнінде толық мәлімет берсеңіздер екен.
Абзал Нұрғазин, Астана қаласы
ҚР Әділет министрлігі мамандарының мәліметінше, еліміз Әдеби және көркем туындыларды қорғау жөніндегі Берн конвенциясына Қазақстан Республикасының арнайы заңымен 1998 жылдың 10 қарашасынан бастап қосылды. Берн конвенциясы 1886 жылы 9 қыркүйекте Швейцария астанасында пайда болды. 1896 жылдың 4 мамырында бұл құжатқа Парижде толықтырулар енгізілді. 1908 жылы 13 қарашада Берлин құжатты қайта қарады. 1914–1979 жылдар аралығында әдеби және көркем туындыларды қорғау жөніндегі халықаралық конвенция Брюссельде, Стокгольмде және тағы екі рет Парижде қайта қаралып, өзгертілді. Бұл құжатқа сәйкес, әдеби және көркем туындыларға авторлық құқықты қолдану мен іске асыру үшін арнайы рәсімдеу немесе қандай да бір шарттылықтарды сақтау талап етілмейді.
Берн конвенциясына қашан қосылдық?
Последние статьи автора