Бауыржан Исламхан – «Жылдың жаңа есімі!»

«Кеше Бауыржан Исламхан еліміздің ең үздік жас футболшысы атанды» деп естідім. Бұл ресми түрде ме, әлде қайсыбір басылымдардың үздік деп таныған тұжырымдары ма?
Қанат МАУШАЕВ, Қарағанды облысы
Бауыржан Исламхан елі­міз­дің ең үздік жас футболшысы емес, «Жылдың жаңа есімі» но­ми­нациясы бойынша биылғы Қа­зақстан чемпионатының үздік фут­болшысы болып танылды. Рес­ми түрде, әрине.
Қазақстан футбол фе­де­ра­циясы ел чемпионатының пре­мьер-лигасындағы клуб­тар­дың бә­рінің бас бапкерлері ара­сында са­уалнама жүргізіп, со­ның қо­ры­тындысын енді шы­ғара бас­тады.
Әуелі биылғы маусымдағы «Ең үздік бас бапкер» но­ми­на­ция­­сының жеңімпазы жа­рия­лан­ды (Виктор Кумыков, «Шах­тер» клубы).
Ал кеше Бауыржан Ис­лам­ханның «Жылдың жаңа есімі» бәй­гесі бойынша теңдессіз та­ны­л­ғандығы мәлімденді.
Бауыржан Исламхан 1993 жы­лы 23 ақпанда туған. Бойы – 174 см, салмағы – 63 келі. «Та­раз» клубының жартылай қор­ғаушысы. Қазақстан ұлттық құ­рамасының сапында әзірше бес ойын өткізген. Ал Қазақстан чем­пионатының премьер-ли­га­сында 50 ойын өткізіп, алты гол соқ­қан.