Баррель деген не?

«Мұнайдың баррелі – пәлен доллар» деп жатады. Сонда баррель деген не?
Жансая Саятова, оқушы
Америкалық мұнай баррелі – мұнай көлемін өл­шеу бірлігі. Ол 42 галлонға немесе 158,988 литр­­ге тең. Неге екені белгісіз, Америкада өзге сұйық заттарды өлшейтін баррель 31,5 галлонға тең екен.
Әлемдік мұнай нарығында баррель негізгі өл­шем бірлігі ретінде пайдаланылады. Сондық­тан мұ­найдың негізгі әлемдік маркаларының бағасы мұнайдың бір барреліне доллармен бел­гіленеді.
Көп жағдайда баррельді тоннаға ауыстыруға тура келеді. Мұндайда мұнайдың тығыздығы есеп­ке алынады. Мәселен, Ресей мұнайының не­гізгі түр­лері үшін бір кубометріне 820 мен 905,5 ке­лі ара­лығында құралады. Тиісінше әр ба­ррель­дің сал­мағы да өзгереді. Ресейдің Urals мар­ка­сы­ның тон­насын баррельге ауыстыру коэф­фициенті – 7,28 барр/т. Жеңіл саналатын нор­вегиялық Brent маркасының осы секілді коэф­фициенті – 7,59 барр./т.
1 баррель (америкалық, мұнай) = 42 галлон = 158,988 литр = 0,158987 м3.
1 баррель (америкалық, мұнай) = 0,1364 мұ­най тоннасы (нақты түрде мұнай маркасы мен температура/тығыздығына байланысты бо­­­­ла­ды) = 136,4 келі мұнай.