Бақытжан Момышұлы кітаптарын қай тілде жазған?

Жазушы Бақытжан Момышұлының шығармашылығымен кеңірек танысқым келеді. Қаламгер шығармаларын қай тілде жазған?
Әйгерім МОЛДАХМЕТ, Талдықорған қаласы
Бақытжан Момышұлы шығармашылық жолын аудармашылықтан бастаған. Ол Ш.Мұр­­тазаның «Та­былған теңіз», «Бұлтсыз күнгі най­зағай» повес­те­рін, және Ж.Молдағалиевтің, Д.Досжанның, О.Бө­кейдің, Қ.Найманбаевтың, Б.Бодаубаевтың, Б.Тоғысбаевтың, Ш.Шаваев­тың, М.Айымбетовтің, К.Тоқаевтың т.б. жазу­шылардың бірқатар шығар­ма­ларын орыс тіліне аударды. Осы еңбектері арқы­лы қазақ әдебие­тінің кең қанат жаюы жолында өзі­нің қаламгер­лік-перзенттік парызын абыройлы ат­қарған.
Өзінің де бірнеше әңгіме, повесть, роман­дар жи­нақтары жарық көрген. Шығармаларын орыс тілін­де жазған. Оның шығармалары әде­би орта мен оқырмандар тарапынан жоғары ба­ғаланған. «Добрые мосты», «Прозрачные льдины», «Тихие голоса», «Я еще ребенок», «Ког­да ты рядом», «Мен әлі сәбимін», «Вос­хождение к отцу», «ДетиВели­ка­ны», «Жаным­ның жарық жұлдызы», «Во имя отца», «Турксиб земля полководца», «Во имя отца. 2 книга», «В поиске света», «Путь Огненного Орла», «Серд­це Волка», «Орда алая и Мечеть белая», «Пре­ло­мление Света» т.б. кітаптары жарық көрген.