Балабақша температурасы қандай болуы керек?

Балабақшаларда кейде қыста суық, жазда ыстық болып жатады. Бүлдіршіндерді тәрбиелейтін мекемелерде ғимарат ішінің температурасы қандай болуы керек? Оны қадағалайтын орындар бар ма?
Әсемгүл Жарықбаева, Қызылорда облысы
ҚР Үкіметінің қаулысымен бекітілген «Балалар мен жасөспірімдерге тәрбие мен білім беру нысандарына арналған санитарлық-эпидемиологиялық талап­тар» атты ереженің 164-бабына сәйкес, балабақшаның жатын және оқу бөлме­ле­рінде, зертханалар мен кітапханаларда, мәдени-сауықтық және демалыс бөл­ме­лерінде, компьютер кластары мен қыз­меттік-тұрмыстық бөлмелерде, кір жуу орындарында температураның +18 – +22°C, тамақтану, үтіктеу, кір жаю орын­дарында +16°C, физиотерапиялық және массаж кабинеттерінде +28°C, киініп-шешіну, емдеу, топтық ұйықтау және топтық дәрет бөлмелерінде +20 – +22°C болуы – қалыпты мөлшер, ең қолайлы ылғал­дық – 40-60%.