Балабақша медбикесінің еңбек демалысы қанша күн?

Мен балабақшада медбике болып жұмыс істеймін. Менің еңбек демалысым қанша күн болуы керек? 
Айғаным Дүйсенбаева, Жамбыл облысы
ҚР Еңбек және халықты әлеумет­тік қорғау министрлігі мамандары­ның мәліметінше, медбикелерге берілетін жыл сайынғы еңбек дема­лы­сының ұзақтығы олардың жұмыс атқаратын мекемелерінің меншік нысанына байланысты болып келеді. Егер бала­бақшаңыз мемлекеттік мекеме болса, сізге азаматтық қыз­метші ретінде лауа­зымдық жала­қыңыз мөлшерінде сауық­тыруға арналған жәрдемақы төлене оты­рып, ұзақтығы күнтізбелік 30 күн­нен кем болмайтын жыл сайынғы ақылы еңбек демалысы берілуі тиіс. Жеке­меншік, коммерция­лық меке­ме­лер­дегі қызметкерлерге берілетін еңбек демалысының ұзақтығы ҚР Еңбек кодексінің 101-бабына сәй­кес, 24 кү­н­нен кем болмауы тиіс.