«Байқоңыр» қандай фильм?

«Германия режиссері «Байқоңыр» атты фильм түсіріпті» деп естідім. Ол біздің ғарыш айлағы жайлы ма, әлде тек аты солай, заты басқа ма? Фильм неге «Байқоңыр» деп аталады?
Гүлжан ДОСЖАН, Астана қаласы
Әлемдік киноиндустрия бү­гін­де әлдеқайда алға озып кеткенін білеміз. Бұл ретте де белгілі неміс режиссері Файт Хельмер «Бай­қоңыр» деп атай отырып, қа­зақ­тың «Байқоңырын» да көр­сете­ді. Бірақ жанрын коме­дия­лық дра­маға құрып, әдемі бір форма таба білген. Фильм ғарышкер әй­ел­ге ға­шық болған қазақ жігіті жай­лы. Француз турисі Джулия Махе «Бай­қоңырдан» ғарышқа ұшып, қай­та оралған соң, қазақ жі­гіті Ес­кен­дір­мен кездейсоқ танысып қа­лады. Ел-жұрт Гагарин деп атап кет­кен ол жігіт сұлу қызды бір өлім­нен құт­қа­рып қалады. Фильм­нің тұсау­кесері алдымен үсті­міздегі жыл­дың қыр­күйегінде Гер­манияда кесілді, енді бүгінде елімізге де кел­ді. Алдағы күндері Алматы, Ас­тана кинотеатрларынан көріп қаласыздар.