Азаматтық бюджет дегеніміз не?

«Азаматтық бюджет жасақтау керек» дегенді жиі естіп қаламын. Осы азаматтық бюджет дегеніміз не?
Нұрлан АЛДАБЕРГЕН, студент
Бүгінде қоғамға түсінікті форматта бюджеттің атқарылуы туралы ақпаратты жариялау талап етіледі. Мысалы, Салық комитеті мүдделі ұйымдардан түсетін салық түсімдері туралы деректерді ашық жариялап отыр. Осы ақпарат са­лықтық құпия болып табылмайды. Жал­пы, бюджеттің ашықтығына қатысты ха­лық­аралық тәжірибеде азаматтық бюд­жет тәсілі бар. Азаматтық бюджет – бұл қаржы саласында маман болып табыл­май­тын азаматтар үшін еліміздің бюджетін жалпылама түсінікті етіп сипаттау. Осыған орай жуырда Қаржы министрлігінің сай­тын­да қоғам үшін «Азаматтық бюджет» бө­лімі ашылды. Қазірде министрлік сайтын­да­ғы «Азаматтық бюджет» бөліміне есеп түрінде емес, негізінен халыққа түсінікті үлгідегі бюджеттің орындалуы туралы ақпараттарды да орналастыруды бастады. Бұл үрдіс қоғам үшін түсінікті әрі пайдалы болады деп сенім артуға болады.