Азаматтық алған оралманға квота беріле ме?

Біз Қарқалпақстаннан 2001 жылы көшіп келгенбіз. Квота алған жоқпыз. Бірақ жұмысқа орналасу үшін азаматтық алу керек болып, 2003 жылы Қазақстан Республикасы азаматтығын алдық. Таяуда «азаматтық алған оралмандарға да квота берілетін болыпты» деп естідім. Осы рас па? Егер квота берілмейтін болса, біз сияқты оралмандарға басқа әлеуметтік көмек көрсетіле ме?
Рахматтулла ҚОЖАМҚҰЛОВ, Алматы облысы

Этникалык көші-қон жөніндегі бас­қар­ма сарапшысының мәліметіне сүйен­сек, «Халықтың көші-қоны туралы» Қаза­қ­­­стан Республикасы заңының 14-ба­бына сәйкес, оралман мәртебесі аза­мат­тық алғаннан кейін тоқтатылады.
Бүгінгі күнде, сіз Қазақстан Республи­ка­сының азаматы болғандықтан, сізді көшіп келу квотасына енгізіп, мемлекет тарапынан қаржылай көмек көрсету «Ха­лық­тың көші-коны туралы» Қазақстан Рес­публикасы заңының талабына қайшы келеді.
Сол себепті сіз Қазақстан Республика­сы­ның азаматы ретінде қосымша әлеу­мет­тік көмек алу мәселесімен жәрдемақы және басқа да әлеуметтік мәселелерді өзіңіз тұрып жатқан аудандық басқару, жергілікті атқарушы органдарға хабар­ла­сып шешуіңіз қажет.