Автожир деген не?

Телеарна жаңалықтарынан автожир аппараты дегенді естіп қалдым. Бұл қандай аппарат? Әуе техникасының бір түрі ме?
Нұрберген Қарабаев, Ақтөбе облысы
Автожир деп қаңғалақ қанат­ты ұшу техникасын айтады. Мұн­дай әуе көлігі қаңғалақ қа­на­тының авторотация режимінде еркін қозғалуына негізделеді. Тікұшақтың бір түрі саналатын автожирді «гироплан», «гиро­коп­тер» немесе «ротаплан» деп те атайды. Бұл техниканың көтер­гіш күші оның салмақ түсетін бұ­ран­дасынан туады. Автожирлерді ең алғаш 1919 жылы испан ин­женері Хуан де ла Сиерва ойлап тапқан. Оның өнертабысы 30-жыл­дары кең қолданысқа ие болды. Кейінгі жылдары автожир үлгілерін жаңартып, жетілдіру етек алды. Бүгінде оның екі-үш адамға арналған түрлері қол­данылады. Автожирді басқару ап­п­араттың ұшу жылдамдығына тәуелді емес.