Атақты әйелдер атындағы көшелер неге аз?
Алматы қаласында қанша даңғыл мен көшеге атақты әйел адамдардың есімі берілген? 
Мөлдір Абылғазова, Алматы қаласы
Оңтүстік астанада дәл қазіргі таңда 160-тан астам даңғыл мен көше бар екен. Осы көшелердің 150-і ер-азаматтардың есімдерімен аталған болса, тек 13 көше ғана әйелдердің атында. Әйелдердің есімі берілген көшелер Алматының шетіне қарай орналасқан. Тек Күләш Байсейітова атындағы көше ғана орталықтан орын тепкен.
Кеңес Одағы кезінде Алматыда тек бес көше әйелдердің атымен аталып келген еді. Ал еліміз Тәуелсіздік алған жылдары Айша бибі, Қыз Жібек, Балжан Бөлтірікова, Ғазиза Жұбанова, Шара Жиенқұлова, Анна Никольская, Әлия Молдағұлова мен Патшайым Тәжібаева сынды апаларымыздың есімдері берілген көшелер пайда болды. Енді еліміздегі әйелдер қозғалысы Томирис, Дина, Мәриям Хәкімжанова сынды қазақ халқына елеулі еңбек сіңірген жандардың есімдерін көшелерге беруді ұсынып отыр. Алматыда әйелдер бейнеленген ескерткіштер де саусақпен санарлық. 45 ескерткіштің төртеуі ғана әйелдердің құрметіне құйылған екен. Бұл жағдаймен әйелдер қозғалысы келіспей отыр. Олар жергілікті әкімшілікке өз ұсыныстарын айтуда.
