Астық экспорттаудан 6-орындамыз

Еліміз – астықты мемлекеттердің бірі. Бұл – біздің байлығымыз, брендіміз. Қазіргі уақытта әлемдік нарықты астығымызбен қаншалықты жаулап отырмыз? Жалпы, бұл жөнінен көш бастап келе жатқан қай елдер?
Жайна Оразбаева, Ақтөбе облысы

Жуырда ресейлік «Русагротранс» тал­дау орталығы жүргізген зерттеу бойын­ша, қазір әлемде сыртқа астық тасымалдаудан АҚШ көш бастап тұр. Құрама штаттар өздерінен бөлек 17 түрлі нарықты қамтамасыз етіп отыр екен. Мемлекеттік аумағының үлкендігіне байланысты астықты алқаптары жөнінен де ірі держава саналатын Ресей — рейтингтің екінші ор­нында. Оның әлемдік нарықтағы үлес салмағы 14 пайызды құрайды. Негізгі азық-түлік экспорты жөнінен Ресейден кейінгі орында Украина келеді. Сыртқы нарықтың 12 пайызын қанағаттандырып отырған Канада тізімде төртінші. Қа­зақстан осымен бірнеше жыл көлемінде әлемдік рейтингтің 6-орнын місе тұтып келеді. Ал ұн экспорты бойынша елі­мізге тең келер ешкім жоқ. Әлемдік на­рықтағы өндірушілер бәсекесінің нақты көр­сеткіштері егін орағынан кейін белгілі болмақ.