2023 жылы алдау мен сатқындық құрбаны болу ықтималдылығы жоғары үш шоқжұлдыздың аты аталды, деп хабарлайды Zakon.kz.
"Киноафиша" порталының хабарлауынша, Тоқты 2023 жылы кәсіби салада жарқын перспективаларға ие болады. Қоян жылы олардың жолын ашып, керемет мүмкіндіктер сыйлайды. Алайда, Тоқты сүйікті жұмысына және мансабындағы өзгеріске неғұрлым көп уақыт бөледі, жылдың екінші жартысында да осындай жағдай қайталанады. Салдарынан бұл белгінің өмірлік серігі немесе сүйіктісі өзіне деген жылуды өзгелерден іздей бастайды. Мұндай сатқындықтың алдын алу үшін Тоқты өз уақытын жұмысы мен өмірінде қатар үйлесімді пайдалануына көңіл бөлуі тиіс.
Бикештер, тіпті өздеріне де қатал әрі талапшыл келеді, мұндайда олардың жұбы туралы тағы не айтуға болады. Бикеш қасындағы адамын уақтылы шығарылмай қалған қоқыс немесе аузы жабылмаған тіс пастасы сияқты ұсақ-түйекке деп ренжіп, "түтіп жеуге" бар. 2023 жылы осындай ұсақ-түйек реніштер Бикештің ішіне толып, ол жарылардай болады. Мұндай қатулы Бикештен, әрине жұбы қашуға бар, сондықтан сүйіктісінен айырылып қалмас үшін оған өзгелерге қоятын талапты мейілінше жұмсартқан дұрыс болады.
Таразының ақша жоғалту қаупі бар. Олар инвестиция жасаймын деп опық жеуі мүмкін немесе жақын досы үлкен сомада қарыз алып, содан кейін барлық әлеуметтік желілерін бұғаттап, із-түссіз жоғалуы бек ықтимал. Мұндай сатқындыққа тап болмас үшін, жұлдыздардың білгірлері Таразыға абай болуға және ішкі интуицияға көбірек сүйенуге кеңес береді. Өйткені бұл шоқжұлдыз белгісіндегілерді ішкі түйсігі ешқашан алдаған емес.