Астана әуежайының тарихы 1931 жылдан басталды

Астана әуежайының тарихы жайлы білгім келеді? Бұл қалада ең алғашқы ұшырылымдар қашан басталды?
Айдана, Арқалық қаласы
Астана әуежайының тарихы 1931 жылғы 1 желтоқсаннан басталады. Дәл сол күні ең алғаш Ақмола және Семей арасындағы тұрақ­ты әуе қатынастары іске қосылды. Бірақ бұл аймақта су тасқыны жиі болатындықтан, әуе­жай көбі­несе жабық жағдайда жұмыс жасады. 1934 жылы ұшулардың бағдар картасы ке­ңейтілді. 1940 жылы әуежай маңынан қо­сым­ша ғи­ма­рат­тар салынып, Лисунов Ли-2 сияқты әуе кө­ліктері (Douglas DC-3 кеңестік түрі) ұша бас­тады. 1951 жылы бірінші рет ұшу-қону жо­ла­­ғы кеңейтіліп, бұл әуежайға Ил-14 сияқты ұшақ­тарды қабылдауға мүмкіндік берілді. 1959 жылы жергілікті рейстерді орындайтын Ақмола біріккен авиажасағы негізделіп, Ан­тонов-2 ұш­ақтары қона бастады. 1960 жыл­дардан кейінгі кезеңде Ил-18, Ту-154 сынды ұшақтар ұшып-қонатын әуежайға айналды. 1975 жылдан бас­тап Алматы – Целиноград – Мәскеу бағыттары ашылды. Астана Қазақ­станның жаңа елордасы болған уақыттан бас­тап әуежайды жаңартуға көп күш жұмсалды. Соның нәтижесінде қазір Астана халықаралық әуежайы (TSE) қандай да ауа райы жағдай­ларында барлық ұшақ түрлерін қабылдай ала­тын дәрежеге жетті.