Әскерге бармай-ақ әскери билет алуға бола ма?

Әскерге бармай-ақ арнайы дайындықтан өту арқылы әске­ри билет алуға болады дегенді естіп едім. Бұл қаншалықты рас?
Марат, Маңғыстау облысы
Әскер қатарында болмаған азаматтар арнайы дайындықтан өтіп, әскери билет ала алады екен. Мұны ҚР Қорғаныс мини­стр­лігінің баспасөз хатшысы Қай­сар Мұғалов растап отыр. «Ол үшін арнайы әскери-тех­ни­калық училищелер құрылып жа­тыр. Сол жерде сан алуан себеп­терге бай­ланысты әс­кер қата­рында болма­ған азамат­тар ар­найы дайын­дықтан өтіп, әскери резервке қа­был­данады», – дейді ол. Жалпы, Қ.Мұғаловтың ай­туын­ша, күзге қарай оқуға қабыл­дау науқаны басталады. Осыдан ке­йін 22-27 жас аралы­ғындағы ер-азамат­тар мемле­кеттік тапсырыс және жеке қар­жы­сы­на оқып, әске­ри билет ала алады. Бұл жұмыстың не­гіз­гі мақ­саты – мобильді резервті ұл­ғайту. Бейресми ақпарат бо­йын­ша, бір айлық әскери даярлық курсының ақысы шамамен 150 мың теңге бо­ла­ды екен.