Арктикада тіршіліктің жаңа кезеңі басталды

АҚШ мұхиттық және атмосфералық зерттеулер ұлттық басқар­ма­сының мамандары сенсациялық мәліметті жария етті. Ғаламдық жылы­нудың салдарынан Арктикада жер көгеріп, жаңа климаттық фаза басталып жатыр екен.
Мамандардың мәлімдеуінше, Арк­тика мұздықтары еріп, құр­лық жылу мен күн радиациясын жіті сіңіре бас­таған. Ауа темпе­ратура­сының жоға­ры­лауына байланысты тундрада көк шығып жатыр. Соңғы бес жыл ішінде Солтүстік Мұзды мұхит мұздары­ның көлемі бұрын-соңды болма­ған деңгей­де кішірей­ген. Амери­калық зерттеу­шілердің бағдар­лауынша, алдағы жыл­дары бұл үрдістің қарқын алары сөзсіз. Соның есебінен теңіз және құрлық экожүйесі ағзаларының өмірі өзгереді. Айталық, мұздардың қысқа­руы­нан ақ аюлар мен сойдақтістілер мекені тары­лып, есесіне киттерге қорек болатын фитопланктондардың қоры ұлғайып жатыр.