Араб мемлекеттерінің лигасы – халықаралық ұйым

Араб мемлекеттерінің лигасы Еуропалық одақ сияқты тығыз интеграцияға негізделген бе? Олардың нақты саны қанша?
Қуаныш МЕРЕКЕ, Алматы

Еуропалық одақ экономикалық жә­не саяси тұрғыда мемлекеттердің бірігуі болса, Араб мемлекеттерінің лигасы халықаралық ұйым болып табылады. 1945 жылдың 22 науры­зын­да құрылған АМЛ-ға 22 араб мем­лекеті мүше болып табылады. Каир қала­сында Египет, Ирак, Ливан, Сауд Ара­биясы, Сирия, Трансиордания (қа­зіргі – Иордания) сияқты жеті мем­ле­кеттің келісімімен құрылды. Штаб-пәтері осы қалада орналасқан. Бұл ұйым алты құрылыммен жұмыс істейді. 1) Лига кеңесі  2) Тұрақты комитеттер  3) Біріккен қорғаныс кеңесі  4) Эко­номикалық кеңес 5) Бас хатшылық 
6) Арнайы агенттіктер мен институттар. Сонымен қатар бес тұрақты емес ко­митет бар. Олар: саяси, эконо­ми­калық, әлеу­меттік және мәдени, әкімшілік және қаржы, құқықтық мәселелермен айналысады.