АҚШ-тың бай штаты қайсы?

АҚШ-тың бай-манаптар тұратын арнайы штаты бар дегенді естідім. Осы жайында толық мәлімет берсеңіздер.
Айзат Қасымова, Алматы қаласы
90 млрд доллардан асатын орасан зор бюджеттік қарыздарына және 12 пайызға жеткен жұмыссыздық деңгейіне қарамастан, Калифорния АҚШ-тың ең бай штаты са­на­лады. Бұл жайында Forbes журналы мәлім етті. Осы штатта – Голливуд пен Силикон ала­бы­ның отанында байлығы 30 млн доллардан аса­тын америкалықтардың елеулі бөлігі қо­ныстанған екен. Калифорнияда олардың саны ша­мамен 10 мыңдай отбасы. Ал жалпы «АҚШ-та олардың саны 55 мың отбасыны құ­райды», – деп хабарлайды РИА Новости.
Ка­лифорниядан кейін қаржының шо­ғыр­лануы жағынан Нью-Йорк, Техас, Иллинойс пен Флорида тұр. АҚШ-тың ең бай-қуатты аза­маттары осы бес штатта шоғырланған.
Федерацияның ең кедей субъектісі – сиу тайпасы үндістерінің штаты болып саналатын Солтүстік Дакота. Канадамен шекаралас жатқан бұл штатта америкалық өлшем бойынша супер-байлар қатарындағы тек 40 адам тұрып жатыр. Байлар қоныстанбаған штаттар үштігіне сонымен қатар Аляска мен Делавэр кіріпті.