Антивирус қашан пайда болған?

Қазір компьютерді зақымдайтын вирус деген дүниені тазартып, одан арылтып тұратын антивирус бағдарламасы бар. Осы бағдарлама қашан шыққан? Және ол қаншалықты сенімді?
Ердембек БЕКБОЛАТ, Өскемен қаласы
Компьютерлік вирус туралы елдің бәрі естігенімен, оның іші 1948 жылы жасала бастаған математикалық тео­рия екенін ешкім білмейді. Керемет антивирус ойлап табу мүмкін емес. Бі­рақ бұл идеалдың қолжетпестігі оған ұмтылу керектігін қолжетпестей ет­пейді. Вирус пен антивирустың пайда болудағы негізгі кезеңдері: 1949 – Нейманның ойлап табуымен вирустар теориясының негізінің қалануы. 1961 – вирустың болашақ бейнесі Darwin ойынының қайта жасалуы. 1970 –ком­пьютерлік бағдарламаға ( Грегори Бенфордтың фантастикалық романындағы) VIRUS сөзінің тұңғыш енгізілуі. 1981 – ең алғашқы Elk Cloner и Virus вирустарының пайда болуы. 1998 – тайвандық студент Чень Ин­хаоның жасаған Win95.CIH (Черно­быль) вирус індеті. 2000 –10 млдр доллар зиян шектірген ең зиянды «I love you» вирусының пайда болуы. 2004 – ұялы телефондар үшін ең алғашқы «құрт» Cabir-дің шығуы. 2006 – дүкендер мен қоймаларда RFID-мет­ка үшін қолданылатын алғашқы ви­рустың шығуы.
Антивирустың басты ережесі сақ­талуында. Сондай білімді қажет етпейтін бірнеше жеңіл ережелерді жасау ком­пьютерді вирустенуден ең төменгі мөл­шерге дейін сақтайды. Және де ком­пьютеріңізде жиі жаңарып отыратын антивирус орнатылып тұр­ғаны дұрыс. Электронды хаттағы бел­гісіз хаттар мен белгілерді ашпаңыз, тек таныс мекен­жайдан келгенді ашпа­саңыз, вирус әп-сәтте кіріп кетуі мүмкін. Антивирус компью­теріңізді толықтай вирус кіруден сақтайды деген сөз емес. Ол үшін бүкіл компьютерлік жүйеңізді жарты не бір жылда тазартып, қаратып тұрыңыз.