Әнші-композитор Әсеттің мұражайы бар ма?

Арқаның дүлдүл әншісі, Абайдың ақын шәкірті Әсет Найманбаевтың мұра­жа­йы бар ма?
Ермұрат ТҰРҒАНБАЙ, Астана қаласы
Әсет Найманбайұлы (1867-1922) – ақын, әнші, сазгер. Абайдың тәлім-тәрбиесін көр­ген дарынды шәкірттерінің бірі. Әсет мұра­жа­йы ақынның туғанына 125 жыл толу мере­кесі­нің қарсаңында  1990 жылы ұйым­дас­тыры­лып, 1992 жылы 26 сәуірде ШҚО Үр­­жар ау­да­нының Мақаншы ауылында ашыл­­ды. 2004 жылы Әсет мұражайы бір қабатты кірпіштен салынған ғимаратқа кө­шірілді. Шамамен 50-жылдарда салынған. Бастапқыда бұл үйде балалар бақшасы, кейіннен Мақаншы аудан­дық әлеуметтік қамсыздандыру бөлімі бол­ған. 1998-2004 жылдар аралығында аудан әкімшілігінің қолдауымен мұражай қызмет­керлері ғи­маратты күрделі жөндеуден өткізді. Мұражай экспозициясының тақырыптық бөлімдері: Әсет өмірі, Абай және Әсет, Әсеттің заман­дастары,  Әсет мұрасын зерттеушілер,  Әсет ұрпағы, олар тұтынған бұйымдар және Әсет заманына тән жәдігерлер. Мұражай көрме залы, мәжіліс залы, екі экспозициялық зал, кітапхана, мұрағат, қор бөлмесі, қызмет­кер­лер бөлмесі, шеберхана бөлмелерінен тұра­ды.