Әнет баба ұрпақтары

Әнет бабаның өз кіндігінен ұрпақ қалған ба? Бабаның ұрпақтары жайлы толығырақ мағлұмат берсеңіздер.
Сақыш Құлқақызы, Семей өңірі
Ел басына күн туып, қалың жұрт бас сауғалай қашқанда, ша­ңы­ра­ғы­­на қарлығаштың салған ұя­сын бұз­­­бай­мын деп, әулие Әнет ба­ба жұрт­та қалған деседі. Ал Кө­ке­н­ай ба­тыр бас­таған әскер қалың жұрт Қа­ра­таудан асып, көшіп кет­кенше жау­дың алдын алып, тос­қа­уыл қою­ды ұйым­дас­тырады. Осын­дай ала­сапыран шақ­та Әнет ба­ба­ның ат жа­лын тарт­қан бес бірдей ұлы жау қо­лынан қа­за табады. Бес ба­ла­сы­ның қазасын ес­тігенде «елі үшін құр­бан болған ұлдың арманы жоқ» деп, Әнет баба қайғыға мо­йы­май­ды.
Шәкәрім қажы Әнет баба ұр­пақ­­тарын былай таратады: «Әнет баба­ның бәйбішеден туған бес ба­ласы қал­мақтың оғынан өліпті. Сол бәй­бі­ше балаларының бірі  – Бай­бо­­лат­тан Бал­уан, Бақай бесікте қал­ған екен. Бал­уаннан тұқым жоқ. Ба­­қай­дың үш ба­ласы – Құрманбай, Жа­­рыл­ғап, Тоқ­қо­жа. Құрман­бай­дың ба­ла­сы – Ба­йым­бет, оның ба­ласы – Тулақ­бай. Жа­рылғаптың екі ба­ласы – Шы­ғыр­бай, Сасықбай. Са­сықбайдан екі ба­ла – Отыншы, Ке­­рейбай. Ша­ғыр­бай­дан екі бала – Қа­рабас, Жортубай туа­­ды. Ал Тоқ­­қожадан – Көбеген, одан Дүй­сен­бай туады. Ол Шың­ғыс­тау­­да. Өз­­ге ұрпақтары Белағаш елін­де. Әнет бабаның тағы бір әйелінен  Жау­­­­басар туады. Одан екі бала – Ота­­­ғұл, Маң. Отағұлдың үш баласы: Жұ­­­рынбай, Тоқбан, Сы­дық. Маң­ның екі баласы: Ақбай, Тұяқ және Әнет ба­баның кіші әйелінен – Есболат, Ша­қа. Есболаттың екі ба­ла­сы: Бай­гел, Ша­бан. Шақанның үш баласы: Ай­туар, Тәуке, Бостан (Құ­дай­бер­диев Ш. Түрік, қырғыз-қа­зақ һәм хандар ше­жіресі. 43-бет).