Анамызға Батыр ана атағы берілуі тиіс пе?

Біз Оңтүстік Қазақстан облысында тұрамыз. Біздің анамыз дүниеге жеті бала әкелген. Бірақ екеуі бір жасында қайтыс болған. Екі баласы бір жасында қайтыс болған соң, осы уақытқа дейін Батыр ана атағын алуға құжаттар тапсырған жоқ. Осы орайда біздің білгіміз келгені, екі баласы бір жасында қайтыс болса да, анамызға Батыр ана атағы беріле ме?
Жиенгүл НАРТБАЕВА, Оңтүстік Қазақстан облысы
Сарапшы мамандардың берген мәлі­метіне қарағанда, «Қазақстан Респуб­ли­касының Мемлекеттік награ­далар ту­ралы» Қазақстан Республи­касының 1995 жылғы 12 желтоқсандағы №2676 За­ңына орай, 2010 жылдан бастап «Алтын алқа» және «Күміс ал­қамен» жеті, алты бала туған жә­не тәрбиелеп өсірген аналар, жетінші, алтыншы балалары бір жасқа жеткен және басқа балалары тірі болған кезде наград­талады.
Жоғарыда аталған заңнамаға сәйкес мемлекеттік наградалармен наградтауға ұсы­ныстарды жергілікті атқарушы ор­гандар енгізеді.