Әлемдегі ең үлкен мешіт қайда бар?

Астанада Орталық Азиядағы ең үлкен «Хазірет Сұлтан» мешіті салынып жатыр. Әлемдегі ең үлкен мешіттер қайсы, қай елде орналасқан?
Армат Алғазиев, Алматы
Әлемдегі ең үлкен мешіт – Сауд Ара­бия­сы­ның Мекке қаласындағы қасиетті Қағба ор­наласқан әл-Масжид әл-Харам мешіті. 638 жылы іргетасы қаланған ме­шіттің аумағы 400 800 шаршы метр, қа­жылық кезінде 820 мыңнан 4 миллионға дейін жамағат зиярат ете алады. Сондай-ақ әлемдегі екінші мешіт деп есептелетін кірпіші 622 жылы қаланған Мединедегі әл-Масжид әл-Набави мешітіне қажы­лық кезінде 1 миллиондай адам сыя­ды. Биіктігі 105 метрге жететін 10 мина­рет На­бави мешітіне көрік беріп тұр. Иран­ның Масхад шаһарындағы имам Реза ме­шіті әлем­дегі үшінші мешіт саналады. 818 жылы тұр­ғы­зылған мешіттің аума­ғы 331,578 шаршы метр, жылына 3-4 миллион адам зиярат етеді. Индонезия астанасы Джакартадағы Масжид Ис­тих­лал мешіті әлемдегі төртінші үлкен ме­шіт. Оның көлемі 95 мың шаршы метр, 120 мың адам құлшылық ете алады. Марок­коның Касабланка қаласындағы Хасан ІІ мешіті әлем бойынша 5-тұғырда тұр.
Сондай-ақ Дубайдағы Шейх Зайд ибн Сұл­тан ан-Нахайян мешіті, Брунейдегі Сұлтан Омара Әли Сайфуддин мешіті, Пәкістандағы Фей­сал мешіті, Түркиядағы Ахмет Сұлтан ме­шіті дүниежүзіндегі ең үлкен мешіттер саналады.