Айда да көл мен теңіз бола ма?

Айда да Жердегі сияқты өзен-көл бар деп жатады. Шынымен де, Айда табиғи суқоймалар бола ма?
Нұржанат Сембаев, Ақтөбе қаласы
Proceedings of the National Academy of Sciences журналында жарияланған мақаланың мәлі­метінше, Айдан әкелінген то­пы­раққа химиялық талдау жүргізген бір топ ғалым Жердің табиғи серігіндегі судың көлемі бұрын айтылып жүргеннен 100 есе көп екенін анықтаған. Ғылыми-зерт­теу нәтижесіне қарағанда, Айда өзен-көл де, тіпті теңіз де болуы мүмкін. Ай топырағын Африка аумағынан табылған метеорит­термен салыстыра зерттегенде, Айдағы табиғи материалдардың гидрооксильді иондарға (ОН-) бай екені анықталды. Бірақ Жер­ден бір айырмашылығы – Айда су бөлшектері бір орынға жиыл­май, аспан денесінің әр түкпіріне, түрлі қабаттарына шашылып кеткен.