Әдемі гол соққандарға арналған Пушкаш сыйлығы

ФИФА-ның әдемі гол соққандарға берілетін Ференц Пушкаш атындағы арнайы сыйлығының жеңімпазы әлі анықталған жоқ па? Биыл бұл сыйлық қай футболшыға беріледі екен?
Ерқанат МАҚАЖАНОВ, Қарағанды облысы
2009 жылдан бері ФИФА Венгрия құра­ма­сының аты аңызға айналған капитаны Ференц Пуш­каш атындағы арнайы сыйлық тағайындаған. Бұл сыйлық жылдың ең әдемі голын соққан фут­бол­шыға беріледі. Алғаш мәртебелі сыйлық «Ман­честер» мен «Порту» арасындағы кез­де­судегі голы үшін Криштиану Роналдуға берілген бо­латын. Одан кейінгі жылы түрік Хамит Ал­тын­топтың Астанада Қазақстан құрамасының қақ­пашысы Сидельниковке соққан голы теңдессіз деп танылды. Кейінгі екі жылда бұл сыйлық Ней­мар мен Мирослов Стохқа бұйырды.
Ал биылғы бесінші әдемі голға 10 үміткер ұсынылды:
Питер Анкерсен – 10 тамыз 2013, «Эсбьерг» – «Аархус» (Дания)
Лиза Де Ванна – 1 маусым 2013, «Скай Блю» – «Бостона Брейкерс» (АҚШ)
Антонио Ди Натале – 7 сәуір 2013, «Уди­не­зе» – «Кьево» (Италия)
Златан Ибраһимович – 13 қараша 2012, Шве­­ция – Англия құрамалары (жолдастық кез­десу);
Панайотис Коне – 16 қаңтар 2012, «Наполи» – «Болонья» (Италия);
Даниэль Лудуэнья – 27 шілде 2013, «Па­чу­ка» – «Тигрес» (Мексика);
Неманья Матич – 13 қаңтар 2013, «Бен­фи­ка» – «Порту» (Португалия);
Луиза Несиб – 17 наурыз 2013, «Лион» – «Сент-Этьен» (Франция);
Неймар – 15 маусым 2013, Бразилия – Жа­по­ния (Конфедерация кубогы);
Хуан Мануэль Оливера – 28 тамыз 2013, «Нау­тико» – «Спорт Ресифи» (Латын Америкасы ку­богы).