Абай оқыған Ахмет Риза медресесі

Семейдегі Абай мұражайының қасындағы Ахмет Риза ме­дре­се­сінде Абай қашан оқыған? Медресе мен Абай оқыған кітап­тар ту­ралы мағлұмат берсеңіздер.
Перизат ҚАЙЫРҒАЛИҚЫЗЫ, Астана
Семей қаласындағы діни ме­дресе. Оны Ахмет Риза деген имам ұйымдастырған. Абай Кұ­нанбаев 1855-1859 жылдар ара­лығында осы медреседе оқыған. Кезінде мешіт жанында медресе болған. Ах­мет-Риза медресесі сол кездегі басқа діни оқу орындарынан әжеп­теуір озық­тау саналған. 1949 жылы өрт апатына шалынып, жойылып кеткен.
1992-1993 жылдары, Абай­­­­дың 150 жылдық торқа­лы тойына орай, медресе Ин­тернациональная кө­шесі мен Дулатов көшелерінің қиы­лы­сына көшіріліп, қайта жөндеу жұ­мыстары жүргізіліп, мұнарасы да тұрғызылды.
Медресенің екі үлкен бөл­месінде «Медресе тарихы», «Шы­ғыс әлемі» атты әдеби экспозиция келушілерге қызмет көрсетеді. Қазіргі уақытта медреседе ре­экс­по­зиция, қайта қалпына келтіру жұмыстары жүргізілуде.
Кейіннен медресе шатырынан Абай оқыған араб, шағатай, парсы тілдеріндегі кітаптар табылған.  Мұражай қорында Абай оқыған медресе кітаптары: діни кітаптар, та­рих, география-астрономия, тіл-әдебиет оқулықтары. Қазір му­зей экспозициясында Хожа Ха­физ қолжазба шығармалары, Сағ­дидің "Бустаны", Шаһабуддин Маржанидің «Китап Хаһ әл-ма­ғ­рифа» т.б. қойылған.