Абай мұражайы әуелде қайда ашылған?

Абай мұражайының Семей мен Жидебайда екенін білемін. Мұражай әуелде қайда ашылған?
Серік АМАНДЫҚҰЛЫ, Кереку
Абайдың әдеби-мемориалдық мұра­жа­йы ақынның 95 жылдық мерейтойы қар­саңында, 1940 жылы Қазақ ССР Халық Комиссарлар кеңесiнің 1 сәуiрдегі №347 қаулысы негізінде ашылды. 1990 жылы Абайдың 150 жылдық мерей­тойына орай ақын мұражайы Абайдың «Жидебай-Бөрiлi» мемлекеттiк тарихи-мәдени және әдеби-мемориалдық қо­рық-мұражайы  бо­лып қайта құрылды. Мұ­ражайдың не­гізін Абайдың 1885 жы­лы өлкетану мұ­ра­жайына тапсырған зат­та­ры құрайды. Абай мұражайы ашы­луы­на байланысты  заттардың бірқатары ақын мұражайына тапсырылды. Мұ­ра­жай алғашқы жылдары Бекбай Ба­йы­совтың  (Жамақаев көшесі, 83-үй), Әнияр Молдабаевтың үйлерінде (Бө­ген­бай батыр көшесі, 132-үй) орналасқан. Бұл  үйлерге ақын 1875-1904 жылдары Се­мей қаласына кел­генде түсіп жүрген. 1967 жылы мұражай көпес Роман Ер­шовтың үйіне (Ленин көшесі, 12-үй) кө­ші­рілген.