Абай ескерткіштері қанша елде бар?

Абай Құнанбайұлының шетелдерде ескерткіштері бар ма? Қай мемлекеттерде Абаймен аттас жер-су атаулары бар?
Ғани Тұрғынбеков, Тараз қаласы
Қазақтың бас ақынына көптеген шетел­дерде ескерткіштер қойылып, көше аттары берілген. Мәселен, бұған Түркияда – Ыстам­бұл мен Анкарада, Ресей астанасы Мәс­кеуде, Иран астанасы Тегеранда, Қыр­ғызс­тан астанасы Бішкекте және ТМД елдерін­дегі басқа да ескерткіштер дәлел бола алады. Мәскеуде 2006 жылы қойылған ескерткіштің авторлары: мүсінші Марат Әйнеков, дизайншы Тимур Сүлейменов, суретші Эдуард Дробицкий мен сәулетші Вячеслав Романенко. Ал Дели, Каир, Бер­лин, Ташкент және тағы бірқатар шетел астаналарында Абайдың атына көше бе­ріл­ген. Орталық Тянь-Шань тауындағы шыңдардың бірі Абай Құнанбайұлы есімі­мен аталады. Орта Талғар шатқалында да ұлы ойшылдың атындағы шың бар.