Бұрын сатушы қызметін атқарған Бриони Гортон жағажайға арналған киімдер сериясын шығарып, алты айдың ішінде қалай байып кеткенін айтты. Ол 131 долларды бірден 131 мың долларға айналдырған деп хабарлайды Fishki сайтына сілтеме жасаған KAZ.NUR.KZ.
Осыған дейін Pandora дүкенінде жұмыс істеген 23 жастағы бернлилік ару (Англия) өз жеке кәсібін бастауды 21 жасынан қолға алған.
Ісіне 100 фунт стерлинг қана қаржы жұмсаған ол желіде дизайнерлік жағажай киімдері сериясын Talliah Rose атауымен сата бастапты.
Қазір аянбай еңбек еткен бойжеткеннің Range rover көлігі бар. Оған қоса, ару анасына көлік алып беріп, өз арманындағы үйді алуды көздеп отыр.