Шамамызға қарамай (шашылып) қонақ күту қайдан шыққан осы, түсінбеймін
Өзінің жеке бизнесі, иелігінде қос-қос пәтері, астында джипі бар түрік ағайынның үйіне қонаққа барсам, бір салат, жеңіл сорпа, екінші тамақ болса тәтті болмаса шәй беріп қайтарады. Қонақ күту қатты проблема емес оларда.
Пәтер емес, жәй ғана бөлме жалдап, күнін әрең көріп жатқан қазақтың үйіне қонаққа бардым. 3-4 түрлі салат, самса, анау-мынауы бар, молынан үйіп төгіп тамақ әкеледі. Артынан (қонақ кеткен соң), қайтадан саусағын сорып отыра береді.
Шамамызға қарамай (шашылып) қонақ күту қайдан шыққан осы, түсінбеймін.
Ауыл жақта қалай құда күтеді? Алдымен кафеге апарып, 2 түрлі тамағымен күтіп алады. Сосын (сол күні) 2-3 үйге шақырып, кеңінен дастархан жайып тағы күтеді. Барған үйлерінін дастарханы ары кетсе 10% ғана желінер...
Бұл таза ысырап, үлкен дарақылық. Жұрттың жасағанын жасау керек.
Қазақ өз өмірін өзі қиындатып алуға құмар сияқты.
Пікір иесі: Сәбит Рысбаев
Серік Аббас Шах инстаграм парақшасынан
