Кезінде RaiM-мен бірге "Самая вышка" деп әндеткен Артур "кәрі" әйелін көрсетті
Өзінен 12 жас кіші жігітке тұрмысқа шыққан Ерке Есмаханның жеке өмірі әртістер арасында сәнге айналып, трендтен түспей тұр. Бұл жолы кезінде RaiM-мен бірге ән салып, "Самая вышка" атты хитпен танылған Артур да жасы үлкен әйелін көпшілікке көрсеткен, - деп хабарлайды Alashainasy.kz тілшісі "Экспресс К"-ға сілтеме жасап.
Артур Дәулетияров — RaiM-ның әріптесі әрі досы. Оралдан шыққан екі өнерпаз алғашқыда отандық шоу-бизнеске "RaiM мен Artur" деп аталатын дуэт арқылы танылған еді.
Қазіргі таңда Артур үйленген. Өзінің отбасы бар. Өнер иесі әлеуметтік желіге әйелімен түскен суретін салыпты. Әлгі фотода Артур жап-жас, ал келіншегі кәрі көрінеді.
Менің әйелім, — деп жазды RaiM-ның досы.
Анығында Артур Instagram-дағы арнайы фильтр арқылы жұбайын егде жастағы әйел ретінде көрсеткен. Бірақ дәл сол суретті қандай мақсатта желіге жүктегенін ашық айтпаған. Соған қарағанда әлеуметтік желіде ең көп талқыланған RaiM мен Ерке Есмаханның жас айырмашылығын астарлы әзілмен келеке еткен сияқты.
