"Бір еркек үшін өзіңді қор қылма": Екі рет тұрмыста болған блогер әйелдерге ақыл айтты
Блогер Әсел Асқардың тойда жас жұбайларға айтқан тілегін көпшілік қызу талқылап жатыр, - деп хабарлайды Alashainasy.kz тілшісі Сaravan.kz-ке сілтеме жасап.
Әсел Асқар сіңлісіне арнаған тілегін әлеуметтік желіге жүктеп, бұл сөздердің барлық әйелдерге арналғанын айтты.
"Өкінішке орай, бізде қазақта тастай батып, судай сің дейді. Ал мен керісінше өзіңнің отбасың бар екенін естен шығарма деп айтамын. Өзіңді ренжітуге ешқашан ешкімге жол берме. Бір еркек үшін де өзіңді қорлама, қор қылма. Үлкен кісілер менің бұл сөзіммен келіспейтін шығар, бірақ мен нық сеніммен айта аламын. Өмір бір-ақ рет беріледі. Әйел адам онсыз да отбасына бойындағы барын береді. Сен қазір жаңа отбасыға бара жатырсың. Құдірет, бұл жерде саған артылатын жауапкершіліктің жүгі ауыр. Әйел болып туылмайды, әйел болып қалыптасады. Сен қандай күйеу болсаң, әйелің де сондай болады. Көп ренжітсең көкбет болады. Қазақта әйел аманат деген әдемі сөз бар. Осы аманатқа қиянат жасама. Анасы өмірге әкеліп, өсіріп сағаан табыстап отыр. Сондықтан жауакершілікпен қара. Отбасыны жалғыз әйел құрмайды. Сен өзіңді қалай ұстайсың, әйеліңе қандай қарым-қатынас жасайсың, оны қалай қорғайсың ол да саған соған сай қарым-қатынас жасайды. Әйелің жақсы киінсе, бақытта болса сен міндетіңді жақсы атқардың деген сөз. Бәрі сенің қолыңда" , - деді ол.
Сондай-ақ блогер өзінің енді ұзатылмайтынын, тоқал болатынын да тілге тиек етті.
"Маған жұғысты болмайды. Мені точно ешкім ұзатпайды, бұл жерде екі рет болғанмын. Тоқал болатын шығармын", - деді ол.
