Алтынай Жорабаева "екінші күйеуімен де ажырасты" деген әңгімеге жауап берді
Күні кеше Алтынай Жорабаеваның қазіргі жолдасымен арадағы қарым-қатынасын қазнет қызу талқылаған еді. Бүкіл ғаламторды шулатқан әңгімеге қатысты әнші желі арқылы жауабын берді, - деп хабарлайды Alashainasy.kz тілшісі "Экспресс К"-ға сілтеме жасап.
Алтынайдың әлеуметтік желідегі әр қадамы 3 миллоннан астам оқырманның жіті назарында. Сондықтан болар, халық оның жеке өміріндегі өзгерісті бірден байқап қояды.
Ол жақын күндері өзінің парақшасынан екінші күйеуі Әлішердің бүкіл фотолары мен видеоларын өшірген және қазіргі жолдасын Instagram-дағы достарының тізімінен де алып тастаған еді.
Сондай-ақ Айнұр Тұрсынбаеваның ұлы — Бекланның Стамбұлда өткен үйлену тойына жалғыз өзі барған.
Мұны аңғарған көпшілік Алтынай мен жолдасының арасындағы қарым-қатынасқа сызат түсті деп топшылады.
Қазнетті дүрліктірген бұл ақпарат Жорабаеваның да құлағына жеткен көрінеді. Әнші күйеуімен бірге түскен естелік суреттер мен бейнежазбаларды қайта шығарып, отағасының парақшасына қайта жазылып үлгерген. Алтынайдың бұл шұғыл әрекеті "біз біргеміз" дегенді білдірсе керек.
Айта кетейік, Алтынай Жорабаеваның бірінші күйеуі Сәбит Әбдіхалықовтан төрт қызы бар. Танымал әнші балаларының әкесімен ажырасқаннан кейін Әлішер есімді азаматпен танысып, 2020 жылы екінші мәрте тұрмысқа шықты.
