Қорқынышты түс көру барлық адамға тән жағдай, бірақ қорқынышты түс көп уақытқа дейін есімізден кетпей қояды. Әрине, сізді түсінізде артыныздан біреу қуып келе жатса, үлкен биіктіктен құлап келе жатсаңыз, суға батып немесе отқа жанып жатқанды көрсеңіз, ондайды ұмыту қиын. Ең қорқыныштысы бұл шынайы өмірде болатын жағдайдын белгісі ме деген сұрақ туындайды.
Біз неге қорқынышты түс көреміз?
Ғалымдар анықтағандай, адам қорқынышты түсті таңертен оянар кезде көреді екен. Сондықтан бұл түс есте қалып, үлкен эмоционалдық әсер қалдырады. Ғалымдардың пікірі бойынша, жаман түстер адамның өмірінде қиын жағдайлар болғанда, яғни ояу кезде жиналған негативті энергияның көп болуы себепкер. Кез келген негативті энергия шығу жолдарын іздейді, сонын салдарынан адам қорқынышты түстер көреді. Сондықтан мұндай түстердің пайдасы бар.
Дәрігерлер түсінде жүгіріп немесе қашып келе жату, жүрек ауруларымен ауратын адамдарда болады. Ондай адамдарға кардиологтың кеңесі қажет. Отоларингологтар түсінде тұңшыққан адамның тыныс алу жүйесінің жұмысының бұзылғанынан болады дейді. Стоматологтар мен гастроэнтерологтар түс көру кезінде адам сасық иістер сезсе, ол тістердің нашар болуы немесе ас қорыту жүйесінің бұзылуынан болуы мүмкін деп мәлімдейді. Лабиринттарда, орманды көгалдарда немесе бейтаныс қорқынышты жерде тап болу себебі, депрессия немесе қатты шаршау болуы мүмкін.
Жаман түстер болашақ оқиғалар туралы ескертеді деген болжам бар. Бұл жерде оның жай түспе әлде аян беретін түспе екенін анықтау керек. Өздеріңіз білетіндей, аян беретін түстер өте жарқын және тікелей мағынасы бар, сондықтан түсіндіруді қажет етпейд, және ондай түсті сирек адамдар ғана көреді.
Не істеу керек?
Жағымсыз түстен кейін адамдардың көпшілігі қолайсыздықты сезінеді және ұйқының нені білдіретінін түсінуге тырысады. Түсіндірумен айналыспас бұрын, ұйықтар алдында не болғанын еске түсіру қажет. Мүмкін, эмоцияналдық жағдайға кері әсер еткен нәрсе болған шығар. Егер адам ұйқысыздықтан зардап шегіп жүрсе, ұйқысы мазасыз болып, қорқынышты түстер көреді. Өмір сүруге кедергі келтіретін оқиғалар туындаса және бір нәрсе туралы ойланатын болсаңыз, онда ұйқының тыныштығы бұзылады. Барлық көрген түстерге, жасырын себептер іздестіру қажет емес. Керісінше, ондай түс туралы мүлдем ойламаған дұрыс.