Латыншаға 26 әріппен көшу керек. Мақсат дұрыс. Бірақ кириллица жүрегімізге кіріп кеткен сонша, 26 әріпке қазақ тілін қалай сыйдырсаң да, "кирилл-қазақтарға" ұнамайды. Қарсылық қатты. Оның үстіне тіл мамандарының "фундаментализмі" қосылып, "қырсықтар" жағы қара аспанды төндіріп-ақ жатыр. Тіпті 40-50 жылдан кейін балалар латыншаны кирилше оқып, "уекімет", "еабдыкеадыр" деп жүретін болады дегендей уәждер айтылып жатыр. Өз басым ондай болады деп ойламаймын. Кирилден 50-60 жыл ішінде аман шыққан қазақ тілі қосар әріптен бүліне қалады дегенге сенбеймін. Дегенмен, бұдан да тиімді тәсіл табылса, қарсы болмас ем.
P.S.: Модернизация тарихынан "жаңа нәрсеге қарсылық қатты болады" деген тұжырымдарды оқитын едім, бірақ көрмеген соң аса мән бермейді екенсің. ФБ-дағы аттаннан кейін Түркия, Жапония сияқты елдердің неден өткенін ұққандай болдым. Түркия кезінде сақалды зорлап қыруға дейін жеткен. Бұдан да өтерміз :)) Өкініштісі, халықаралық терминдерді аса көп өзгертпей ала салатын графика жасау керек екенін айтқан адам некен-саяқ.
Рахат Мамырбек
Фейсбуктегі парақшасынан