«ҚАЗАҚ МҰСЫЛМАН-ГЕЙ» жайлы фильмнің не көздегені бар?
«ҚАЗАҚ МҰСЫЛМАН-ГЕЙ» жайлы фильмнің не көздегені бар?
Алматыда ЕВРЕЙГЕ ЖИЕН Бекмамбетовтың кинотеатрында АТЕИСТ РЕЖИССЕР Асель Аушакимованың «Шаршадым» (“I’m tired”) фильмінің жабық көрсетілімде тұсауы кесіліпті.
Атеист Асельдің айтуынша (атеист екенін өзі айтып отыр), фильм «Қазақстандағы мұсылман-гейлер» жайында. Фильмнің кейіпкері қазақ, мұсылман, тіпті намаз оқитын бір еркек екен. Таңертең күнделікті жұмысына барады, ал кешке үйіне қайтады екен. Себебі, үйінде оны күтіп отырған сүйікті жары – ЕРКЕГІ бар екен.
Фильмнің қысқаша мазмұны осындай.
Бұл қазақ қоғамының реакциясын байқап көру үшін, мұсылмандардың шамына тию үшін жасалып отырған ақпараттық бір арандатпа.
Артында үлкен топ тұрған ЛГБТ қозғалысының қазақ топырағында қалай да бір жыныстылардың некесін заңдастыру үшін жасалып жатқан кезекті бір ақпараттық-насихаттық жұмысы. Мақсаттары қазақ санасындағы бір жыныстылыққа қарсы иммунитет пен реакцияны өлтіріп тыну. Осылайша қоғамның қарсылығын саябырсыту. Қазақ даласының 80 пайызынан астамы мұсылмандар екенін білетін бұлар енді «мұсылман-гей» деу арқылы мұсылмандардың тепкісін тексеріп көрмекші. Байқаймыз, қоғамымызда бұған өз деңгейінде қарсылық танытылып жатқан жоқ. Сондықтан да, ең құрығанда бұған әлеуметтік желіде бей-жай қарап, салғырттық танытпайық. Барынша қарсылығымызды танытайық. Мемлекет мұндай фильмдерге тыйым салатындай цензура орнатуы тиіс. Себебі, бұл мемлекеттің басына Аллаһ Тағаланың қаһарын шақыратын құбылыс!
Құран Кәрімнің Ағраф сүресінде көгілдір болған Лұт қауымына қатысты: «Сендер, расында, әйел затына жуымай еркекке шабасыңдар. Сендер анық азғын жұртсыңдар!», – дейді Осы сүренің 84-аятында оларға қандай жаза келгенін де жазады. «Оларға тас жаңбыр жаудырдық», – дейді Алла. Немесе Һұд сүресінің 82-аятында: «Жаза әміріміз келген заматта олардың мекен-жайларының астаң-кестеңін шығардық және үстілеріне отпен қыздырылып әзірлеп қойған тастарды үстемелей жаудырдық», – дейді құдіреті күшті Раббымыз. Сөйтіп, бұл қауымды тып-типыл етіп бұл әлемнен жоқ қылды. Ендеше мемлекетімізге осындай зауал шақыратын қауымды елден аластату арқылы ғана мемлекетіміздің бүтіндігін, тұтастығын, амандығын сақтай аламыз. Мемлекеттің қауіпсіздігін ойласақ, бұл мәселе ат үсті қарауға болмас.
Салтан Сайранұлы
Facebook-тегі парақшасынан
